كفتة الطرررررررررررب ع طريقة بوبوس اخر تعديل أكتوبر 26, 2014 شارك كفتة الطرب ع طريقة بوبوس المقادير نص كيلو لحمه مفرومة بصله صغيرة مفرومه معلقه سمنه بلدى قطعه ليييه ضانى مفرومه لو موجوده ملح وفلفل وبصل بودرة وتوم بودرة ورشه قرفه بيضه 2معلقه بقسماط ناعم الطرب اللى هو المنديل اللى هنلف بيه الكفته ده المنديل اللى هو الطرب اللى هنلف بيه الكفته بنحطه ف مايه مغلية الاول شوية وهنا بعد ما دمجت كل مقادير اللحمه مع بعض بدأت أصبع الكفته ع معلقه خشب بالشكل ده والمقصود انها تكون مفرغه من النص وهنا حطيت معلقه زيت ف الصنية ورصيت الكفتة بالشكل ده وهنا حطيت الكفته ع البوتوجاز ع نار هادية ونغطيها دقايق يدوبك تمسك وتاخد لون خفيف بالشكل ده وبعدين اولع فحمه واطفيها فيها واغطيها شويه وبعدين ابدأ الفها بالمنديل وهنا قطعت المنديل ع اد الكفته بالشكل ده وهبدأ الفها زى صوباع المحشي وهنا شبكت كل اتنين مع بعض بخله بالشكل ده وهنا بدأت أشويها ع الشواية الكهربائيه دى و بعد ما قلبتها ع الوش التانى المنديل بدأ يسيح ع الكفته ازاى طعمه روعه بجد وبالف هنا شارك هذا الموضوع:اضغط للمشاركة على تويتر (فتح في نافذة جديدة)انقر للمشاركة على فيسبوك (فتح في نافذة جديدة)
التعليقات مغلقة الان