يابن ادم – مقالة بقلم ناجي مرسي فى فبراير 20, 2015 شارك بقلم – ناجي مرسي يابن ادم يابن ادم ايه جرالك..ايه اللى خللى القسوه حالك..ايه اللى خللى الشر فعلك..والفساد بقى راسمالك.. ليه بقيت بتعيش لنفسك..تنسى جارك،وابن عمك،وابن خالك..حتى امك لما تكبر تنسى كل حنانها ليك،وتنسى حتى مين دعالك.. ليه بقيت تهمل فى دينك..والعباده مش فى باللك.. ليه رخصت وبيعت شرفك بالقليل والذل طالك.. ليه ضلالك غمى بصرك، واتعميت عن نور ايمانك.. ليه جعلت الدنيا همك ،واتلاهيت عن يوم حسابك.. ليه تسيب نفسك فريسه للشيطان يلعب براسك.. ليه جعلت الظلم سيد دنيتك، ليه سلاحك يتشهر فى وجوه خواتك.. يابن ادم الدمار بقى صنع ايدك..انتشر واهو نال ولادك.. ايه اللى فاضل فى الحياه من شر لسه ماشفناهوش..ما الام قتلت ابنها ،والابن زارها فى فرشها ،والاب عاشر بنته ،وهيا غارقه فى دمها..والبنت نكرت امها ،وسابيتها وحيده لجل بيتها وجوزها يرضى عنها…،واللى انقتل ،واللى انسحل ،واللى اختفى ،واللى انتحر… دى حياه دى ولاطوفان وطافح همها..ولا دى غابه ،وعششت كل القذاره فى ارضها.. ايه اللى فاضل يابن ادم من المعاصى ماشفناهوش..وايه اللى جبرك ع المعاصى ،ماكنت مؤمن باللى خلقك ،وانت لسه ماشفتهوش.. يابن ادم خللى بالك ..مهما زادت قوتك..مهما عشت فى دنيتك..مولاك عقابه لقسوتك..انت لسه ماعيشتهوش.. نفسى ترجع عن ضلالك ،وافتكر ان اللى خلقك ..حذرك فى اياته دايما..اوعى تظلم ،وف اوامره ماتعصاهوش.. يابن ادم………. شارك هذا الموضوع:اضغط للمشاركة على تويتر (فتح في نافذة جديدة)انقر للمشاركة على فيسبوك (فتح في نافذة جديدة)
التعليقات مغلقة الان