مقرمشات مملحة للتسالى للكبار والاطفال

اكلات طمطم

المقادير :
3 كوب دقيق
كوب زبدة
بيضة
كوب جبنة رومى مبشور (لو مفيش عادى بس يفضل بالجبنة الرومى بتدى طعم حلو اوى
علبة جبنة فيتا
ملح بسيط لو احتجت لان العجينة لازم تبقى مملحة
ملعقة كبيرة ممسوحة بيكنج بودر
ملعقة صغيرة ممسوحة سكر

الالوان :
اللون الاخضر بقدونس مضروب فى الخلاط بكمية بسيطة اوى من المية
اللون الاحمر بابريكا مزابة فى كمية بسيطة اوى من المية

اللون الاصفر كركم مزاب فى كمية بسيطة من المية

اللون الابيض الغامق دة بقى طعمة رااااااائع زيتون اسود مفروم فى الخلاط بس بدون اضافة اى حاجة

اول حاجة نضع الدقيق مع البيكنج بودر مع السكر ونقلبهم كويس وننزل بالزبدة مع الدقيق ونضرب لحد ما الدقيق يشرب الزبدة وبعدين ننزل بالبيضة والجبنة الرومى ونضرب وبعدين ننزل بالجبنة لحد ما العجينة تلم معانا اهم حاجة نظبط الملح هى بتبقى مالحة

قطعتها 5 قطع علشان الونها

طبع انا كتبت فى المقادير طريقة عمل الالوان ناخز كل قطعة من العجينة ونضع عليها كمية من اللون ونعجن وطبعا هاتحتاج ملعقة او ملعقتين دقيق علشان متلزقش عادى جدا اعجنيها بايدك

وادى قدامكوا بالبابريكا والبقدونس والزيتون الاسود
والكركم وجزء سادة بغطيهم بكيس وعالتلاجة ربع ساعة بس

بعد العجينة ما ارتاحت وضعت دقيق تحتها وفقوها بسيط اوى 
هنا فردتها عاوزاكوا بقى تبدعوا فى الاشكال اهم حاجة ان المقرمشات دى تبقى حجمها صغير اوى علشان شكلها يبقى حلو وتبقى مقرمشة محدش يعملها كبيرة هاتشوفوا معايا فى باقى الشرح 

هنا قطعتها دوائر صغيرة اوى وضغطت عليها من النص علشان تعمل شكل وردة

وهنا قطعتها دائرة كبيرة وقسمتها مثلثات علشان هاعملها زى الكرواسون بس صغيرة جداااااااااااااااااا

وهنا فردتها دائرة ولفيتها رول

وهنا قطعت الرول شايغين بقى شكلها عامل ازاى زى السينابون

هنا قطعتها شرائح طويلة وقطعتها مثلثات زى الدوريتوس

وضعت الاشكال هنا فى صينية فيها ورق زبدة ولو مش موجود عادى جدا على اى صينية مدهونة زيت بسيط او
طبعا ال3 كوبايات دقيق عملوا معايا 3 صوانى المهم خدوا بالكوا ان لازم احجامهم تبقى صغيرة اوى وهند خلها الفرن 180 درجة لحد ما تستوى وبعدين نولع الشواية ما بتاخدش كتير فى الفرن 25 دقيقة

وادى النتيجة شايفين المنظر عامل ازاى وطعمها راااااااااااااااااااااااااااائع والاطفال هايحبوها اوى وفى التقديم جميلة اوى