*مفيش غيرك *

بقلم الكاتب والشاعر ناجى أنس /

*مفيش غيرك *

مطمني مريحني مفرحني
بياخدني لعالم تاني
معرفهوش
لإحساس حلو
ماوصفهوش
لحلم جميل مفسرتوش
ولما عرفت تفسيره
داكان منك
من الحنيه و الطيبه
اللي قالتلي علي قلبك
صفاء بيشدني لدفئك
وفا وأمان حنان حضنك
دا أنا في لقاكي جيت
أضمك لقتني باحضن الدنيا
بكل مافيها من راحه
بصراحه
مشفتش زيها قبلك
ولا حاقابل
في عمري زيها بعدك
وقلبي قالي علي قلبك
مفيش شبهك
دا قربي ياحبي
بيريح واناجنبك
باحس الكون هنا جنبي
هنا عمري
وحاسس إننا بالود
سوا مع بعض
مافيش غيرك حقيقي جد
بأمرك إنتي مش أمري
بادوب فيكي رضا وإخلاص
وبالإحساس
باحس الراحه في عنيكي
تخليني وأخليكي
باشوف بيهم يودوني
للياليهم
وفيهم شفت كام سكه
آخرها اتهني بالجنه
طريق أحضانه لملايكه
ياحضن حياتي دي بحالها
ومن أولها لأخرها
وفيها من الصفات اوصاف
رقيقه وحلوه وبريئه
وانا اللى شاف
جناين ورد بلديه وطبيعه
في ياسمينه علي فله
صافيه وبيضه يافله
يا أغلي من كنوز الكون
وانا بيكي كإني
ملكت مال قارون
وانا داين لكل الكون
منيش مديون
ياليلي إوعي
تفكري إني
عشان عاشقك
أكون مجنون٠