مصيلحى : طموحى المربع الذهبى والاتحاد الحصان الاسود للدورى

أحمد السيد :

إستضاف الاعلامى سيف زاهر على قناة أون سبورت الاستاذ محمد مصيلحى رئيس مجلس إدارة نادى الاتحاد السكندرى ومن أبرز ما قالة مصيلحى فى حوارة :

• طموحى كبير لنادى الاتحاد السكندرى والموسم الجديد سوف نكون الحصان الاسود وأتمنى الوصول الى المربع الذهبى ونادى الاتحاد سوف يكون من الاول الى السادس فى الترتيب والدورى صعب جدا.
• الموسم الماضى نادى الاتحاد كان نازل درجة تانية رسمى وقمنا بتدعيم الفريق بعناصر مميزة وكان الفوز فى مباراة طنطا بطنطا الفضل الرئيسى فى بقاء الاتحاد .
•  المستشار مرتضى منصور وقف وقفة محترمة جدا مع نادى الاتحاد ولولا انى لحقت مرتضى منصور بدرى وضميت قمر وداودا كانوا اتباعو ومنضموش لنادى الاتحاد وانا بشكرة على ذلك وطلب منى المستشار مرتضى منصوراللاعب مروان النجار فقلت لة انا محتاجة السنادى.. وانا بحب مرتضى منصور لانه شخص طيب وبيحب الاتحاد واسكندرية.
• اسكندريه لو فيها 7 مليون فكلهم بيعشقوا الاتحاد السكندرى اولا والكورة من غير جمهور متنفعش ونادى بيراميدز أحدث حالة فى الكرة المصرية.
• كانو نزل بوست والقصه اللى قالها فيها نوع من الافتراء عن النادى ولو انتا شايف ان فلان اخد منك فلوس قول اسمه وليه قبلت على نفسك ولو كنت موجود مكنتش حدفع فيه مليون جنيه ومينفعش يسيب الفريق من غير النادى يستفيد ماديا.
• المرحلة الثانية من أرض النادى الجديدة مساحتها 8.5 فدان ونشكر الرئيس عبد الفتاح السيسى على هذا التخصيص وفى شهر ديسمبر القادم عضوية النادى سوف تكون ب 150 الف جنية.