مش كتر كلام بقلم -خالد الريدي

من غير مانقول ونعيد ونزيد ولا كتركلام مايضيفش جديد وكلام ف أغانى وشو إعلام على طبل ورقص معاه زغاريد والحب ياليل وياعين محلاه !! ودراما ف فيلم غرامى سعيد لو فعلا عايزين نبنى بلاد مش بالخطابات ولا بالأناشيد لكن برجال ولا تعرف خوف مليانة بعزم تقولش حديد وأملها ف بكره كبير بصحيح بتأدى عملها بجهد شديد ولاتعرف غير جد وإخلاص والمولى تعالى رقيب وشهيد مش بس كلام على شغل افلام دول ناس من ماس وشموع بتقيد ونعيش علطول وولادنا ف عيد ونخطّى لبكره ف قلب النار ماشيين بثبات والإيد ف الإيد ولايفرق مسلم ولا كاثوليك ولا وسط الدلتا وأهل صعيد ولا ده فلاح ولا دول باشاوات ولا ده دانيال ولا عم سعيد والكل ف واحد بلا شعارات والصعب يهون ولا يبقى بعيد يتولد المصرى ابن الحضارات مخلوق جبار وجديد ف جديد