للشاعر (عماد الحصري )يا أم الدنيا يا أُمه

يا معنى الأهل واللمه
يا أصل الحضن والضمه
يا فاتحه الباب على مشامه
لكل الخلق والعامه
…

يا أم الدنيا يا أُمه
بموت فيكى أكيد لمّا
بشوف أرضك كما الجنه
وأمشى عليها بتحنى
…
يا أم الدنيا يا أُمه
خدينى في حضنك اتهنى
ونفسى بحضنك استنى
ولو عايزه عشانك أموت..
يا ريت طبعا أنا أتمنى
..
فداكى الآهة والأنه
يا أرض الورد والحنه
وليه اسمه دا له رنه؟!!
أكيد القصة في إنّ !!
..
يا ظاهرة وطاهرة يا قاهره
يا زهرة وباهرة يا مهره
بتيجى الناس تشوف حسنك
ألاقى عينيها منبهره

يا حاضنه كل الطيبين
من كل مله و اى دين
لو صلى جرجس ف الكنيسه…
بالليل بيقعد فى الحسين