لازم نحس ببعض

بقلم : دنيا محمد

كل إنسان جواه حاجات حلوه وكل إنسان لما بيخطأ بيجي عليه وقت وبيندم
مش شرط يندم في نفس الوقت ممكن لما يفقد شىء غالي عنده بيمس الحاجه الحلوه لى فيه يبتدى يندم على كل الوحش الى خلاه يفقد شىء أو شخص غالي
أو يفقد الحلو والوحش الى في نفسه يفقد الشعور بأي حاجه يعني ميعرفش هو حزين ولا فرحان خايف ولا مطمن بيحب ولا بيكره – يــــفقد نــــفــــســه – عايش لمجرد أنه لازم يعيش .
صحيح في قلوب بنقول عليها حجر وفي ناس من كتر ما بتشوف المجتمع والقريب والبعيد بيوصفوها بالقسوه بتقسي أكتر كأنهم بيقولوا ( كده كده شايفني حجر)
مفيش حد بيتولد قاسي ومحدش يقول أن مفيش مبرر يخلي الإنسان قاسي .
لا في كتييييييييييييير …… في الي اتربي وعاش واتعلم في الشارع الي مبيرحمش
أتداس عليه وهو نايم في الشارع علشان متشافش ولما كبر بقه تاجر مخدرات أو حرامي أو …. اتقال عليه مجرم من أطفااااااااااااال الشوارع
كان فقير وشريف مرمي في الشارع ليـــــــه مطلعش دكتور ولا مهندس مخطرش أنه يكون مجرم ،المجتمع والدوله هما الي اختاروا
و في الي بقه قاسي لما أبوه عامله بقسوه زايده علشان جده كان بيعامل أبوه بقسوه زايده وهكذاااا
والقسوه أنواع ودرجات مش كل الناس قاسين بشكل قااااسي
لا في ناس محتاجه احتواء محتاج حنان محتاجه بلد تضمها وتطبطب
في ناس نفسها تحس أنها مش جرب يخلي الناس تنفر منها
كل حاجه وليها سبب .. بس أحنا عاوزين شخص يكون فيه عيب أو عقده أو عنده مشكله علشان نتكلم عليه علشان نلاقي حاجه نحكي فيها
ناقصنا حاجه واحده بس بتشمل كل شىء هي أن (لازم نحس ببعض )