كيكه قدرة قادر بمقادير سهله وبسيطه

اكلات بوبوس

المقادير
اولا الكريمه
2باكو كريم كراميل مع 3كوب لبن ومعلقتين سكر
ثانيا الكيكه
3بيضات
كوب الاربع سكر
كوب وربع دقيق ولو عوزاها بالشكولاته شيلي معلقتين دقيق وحطى معلقتين كاكاو خام
نص كوب زيت
نص كوب لبن
رشه فانيليا وباكو بيكنج بودر
بالنسبه للكراميل هنستخدم الاكياس اللى جايه مع باكو الكريم كراميل

اولا هنجيب صنيه مقاس 26ونفضى فيها اكياس الكراميل ونحطه ع النار اقل من دقيقه عشان يسيح بس ونفرده بالشكل ده

وهنا ف حله ع النار نحط باكو الكريم كراميل مع معلقتين سكر مع اللبن وع النار ونقلب شويه لحد ما يجى يغلي نطفى ونروح صبينه ع الكراميل

هنا اهوة بعد ما صبيت خليط الكريمه واللبن ع الكراميل

هنا بأه عملت مقادير الكيكا ضربت كل المقادير ف الخلاط ماعدا الدقيق وبعدين نزلتهم ع الدقيق وقلبتهم مع بعض وبعدين هاجى اصبه ف وسط الصنيه بالظبط بالشكل ده

طبعا اكون مولعه الفرن قبل بوقت وبعدين احط الصنيه جوة صنيه بها مايه سخنه وعصرة ليمون وادخلها الفرن ع نار هاديه ونحط الصاجه من اول دقيقه حوالى من ساعه لساعه الاربع وبعدين هنطلعها تبرد شويه وندخلها ف التلاجه حوالى خمس ساعات ولو من بليل للصبح يكون افضل

وهنا بعد ما طلعتها من التلاجه وقلبتها وطبعا مش بنقلبها غير بعد ما تتماسك ف التلاجه عشان تكون سهله القلب ومتماسكه بالشكل ده وبالف هنا