كفته الحاتى علي طريقه بوبوس

اكلات بوبوس

المقادير
نص كيلو لحمه مفرومه
بصله صغيرة مفرومه
معلقه صغيرة من الملح والفلفل والتوم البودرة والبصل البودرة ورشه قرفه
معلقه كبيرة سمنه بلدى او زيت درة
مايه بصل لتصبيع الكفته وفحم واسياخ

 اولا ببشر البصله الصغيرة ناعم اوى وعليها الملح والفلفل والتوم البودرة والبصل البودرة ورشه القرفه وادعكهم بايدى كويس جدا وبعدين اضيف عليهم اللحمه

دى اللحمه بعد ما عجنتها بايدى مع خليط البصله والتوابل كويس جدا

وبعدين هضيف عليهم معلقه السمنه البلدى وممكن زيت درة واعجنها مع اللحمه كويس وابدأ أصبعها ع الاسياخ

هنا بأه تكاتى اولا ميه البصل ببل ايدى بها وانا بصبع الكفته ع الاسياخ وكمان بنولع شويه فحم ع النار واول ما يولعوا نجيب صنيتين ونفرشهم بوريل الفويل زى ما انتو شايفين ونحط فيهم الفحم ونرص عليهم الكفته بالشكل ده وف الفرن حوالى ساعه طبعا الكفته هتنزل صوص هينزل ع الفحم يعمل دخان يتشربه الكفته هتكون احلى من كفته الحاتى بكتير ودى تكه من تكاتى وبالف هنا