” شبه بعض “

فرحه وطارحه فرح لبعيد
عمر ماطالها كمان حبيبين
وحضناها سوا بالإيد
ليله وقفه وصابح عيد
حب جديد جه علي طول
من غير مواعيد
من غير إنذار أو تمهيد
فجأه أخدني دخلني
خطفي حضني ملكني
أقدر أقولك إنه صدمني
لكن أجمل صدمه في عمري
وكإنه جي يفوقني
قلبي دا كانت دقاته وقفت
والصدمه خلتني فقت
بعد ماكنت تعبت وتهت
تايه مع توهه شارده وصعبه
لتوهه عشق وشوق ومحبه
حبيبه قريبه صديقه وصاحبه

أسكت ولا اكمل
من غير ماتفكري قولي كمل
اضحكي كركري كهكهي
إضحكي تاني
عيدي الضحكه كمان م الأول
هو انتي فكراني بامثل
لا دانا سايب ايدي لقلمي
يكتب بأمان وميزان
عمره مايتحول ولا ميل
انا وانتي طبعا حاله خاصه
ولا انتي لسا مش حاسه

وفري أي كلام ويايا
اصلي باحس انك بتقولي
نفس كلامي
اللي نويت أقوله
وتعالي نفضل مع بعض
سوا علي طول
شالله يكون العمر بطوله
نعشق ود
نسكت آه من غير مانقول
اصل سكاتنا بيحكي حياتنا
من صغرنا لغايه دالوقت

طب أقولك علي حاجه حصلت لك ؟
تلاقيها برضه حصلت لي
فاكره الولد
اللي انتي زمان
قلبك دق اما قابلتيه
وانتي بتدرسي في الثانويه
وبتدرسي كل خطوط سيره
قلتي أحبه دي حاجه عاديه
من كتر ما عجبك تاثيره
واما قابلتيه بعد سنين
قلتي دي كانت فتره وعدت
طبعا
وده مش فتي أحلامك أبدا
نفس اللي أنا قلته علي حبيبتي
اللي انا حبيتها في طفولتي
لأ مش ديا اللي انا اعشقها
مش زيي انا وإنتي أيوه
عشقنا احنا الإتنين أقوي
حب زمان ده مجرد نزوه
لا انا انفعها ولا تنفعني
تعرف ليه ؟
ذي ما كون انا فيها إختارتك
وإنتي إختارتيني برضه فيه
بندور علي بعضنا فيهم
من عمر لغايه ماقابلتك

ولقيت بعد العمر دا كله
سحرك جاني قبل ما أقابله
لما أمرني بأمرك حبك
رحت عشقتك٠