سلمولى على مصر سلمولى فى يناير 31, 2014 شارك كلمات -الشاعر عماد الحصري سلمولى على مصر سلمولى كلمونى عن أملها وعن ألمها اسألولى عن سلامها وعن علمها طمنونى عن جمالها بعد اللى جالها كلمونى عن شعبها وعن دينهم ايد واحده زى ماقالوا .. ولا لسه السور ما بينهم كلمونى ع المصانع و البيوت لسه فيها الناس بتاكل ..ولا قربت تموت كلمونى عن عمارها وعن قمرها لساه بيطلع ..ولا زى النور بيقطع طمنونى على نيلها وخيرها ولا خلاص جابت اخرها بلغونى باللى حاصل و اللى صار صبروا ام اللى ميت واللى صابح عنده طار كلمونى ع الحضاره و التجاره و الاثار ودورا عالباقى منها بعد الخيانه و الدمار اه يا بلد غرقانه دم وكل يوم ماشيه بقرار يا حرقة كل ام ….لما فضيت عليها الدار يا بلد مليانه هم … بس بتموت فى الهزار البلد دى عايزه راجل زى قاهر التتار يرجع امانها ومقامها ويشيل عنها الغبار شارك هذا الموضوع:اضغط للمشاركة على تويتر (فتح في نافذة جديدة)انقر للمشاركة على فيسبوك (فتح في نافذة جديدة)
التعليقات مغلقة الان