جلاش باللحمه المفرومه ع طريقة بوبوس
اكلات بوبوس
جلاش باللحمه المفرومه ع طريقه بوبوس
المقادير
لفه جلاش
نص كيلو لحمه مفرومه ومعصجه
كوب لبن مضروب مع بيضه مع رشه ملح وفلفل
معلقه سمنه ومعلقه زيت
هنا دهنت صنيه بالسمنه وفردت اول ورقه من الجلاش ودهنتها بالسمنه ورشيت معلقه من خليط اللبن بالبيضه
وهنا بأه تكه من تكااااااتى
حطيت تانى ورقه من الجلاش ودهنتها بالسمنه ورشيت معلقه من خليط اللبن مع البيض وده هعمله مع كل ورقه هحطها المهم التكه ايه ان بعد تانى ورقه بحط طبقه خفيفه من اللحمه المفرومه حوالى معلقتين زى ما انتو شايفين
وهنا حطيت تالت ورقه من الجلاش فوق اللحمه المفرومه وهفضل احط طبقات من ورق الجلاش وطبعا هدهن بين كل طبقه سمنه وارش معلقه من خليط اللبن مع البيضه وهكذا لحد ما اخلص نص لفه الجلاش
هنا بعد ما حطيت نص لفه الجلاش حطيت اللحمه المفرومه كلها زى ما انتو شايفين وهبدأ احط باقى لفه الجلاش زى ما احنا متعودين لغايه ما اوصل لاخر ورقه
التعليقات مغلقة الان