كشف الكاتب الصحفي “عبدالرحيم علي”، عن تسريب جديد بين القيادي السلفي حازم صلاح أبوإسماعيل، وعصام العريان القيادي بالجماعة الإرهابية، بما يؤكد على التنسيق الكامل بين أبوإسماعيل والجماعة الإرهابية، وهو عكس ما تردده الجماعة طوال الوقت وتنكره، وهو أيضًا يؤكد بما لا يدع مجالًا للشك تبعية كافة الجماعة والفصائل الإرهابية، والميليشيات المسلحة لجماعة الإخوان التي ترعى جميع أشكال العنف والإرهاب. التسريب الجديد عبارة عن مكالمة صوتية تجمع بين أبوإسماعيل المرشح الرئاسي السابق المستبعد بسبب ازدواج جنسية والدته والمقبوض عليه بتهم تتعلق بالتحريض على العنف والتزوير في محررات رسمية وعصام العريان قيادي الإخوان المعروف ونائب رئيس حزب الحرية والعدالة المنحل، والمقبوض عليه بتهمة التحريض على العنف، والذي يثبت تعاون الإخوان مع حازم صلاح أبوإسماعيل من أجل نشر الفوضى في البلاد.. وإلى نص المكالمة: جرس الهاتف حازم صلاح أبوإسماعيل: السلام عليكم عصام العريان: وعليكم السلام ورحمة الله وبركاته حازم صلاح أبوإسماعيل: أعتذر على إزعاج سيادتكم.. أنا حازم صلاح أبوإسماعيل عصام العريان: لا يا أفندم انت تنور أيوه طبعًا يا أخي الكريم معروف حازم صلاح أبوإسماعيل: الله يبارك فيك.. أنا عارف إني بازعجك ربنا يحفظك يا رب العالمين إن شاء الله تكون بخير والأسرة الكريمة والجميع عصام العريان: الحمد لله رب العالمين حازم صلاح أبوإسماعيل: بص أنا حبيت بس أقول لحضرتك شوف حضرتك كل اللي انا سبته مكتوب في ورقة يعني شوف انه بِيجد حثيثا يا أستاذ عصام شايف حضرتك ميدان التحرير 3-4 ساعات بيضربوا في بعض وهناك “الكوربة” الأسبوع اللي فات وادي التحرير وميدان جامع محمود وموضوع أحمد شفيق وموضوع النصارى وبدأت نقطة بعترة الناس يعني الوضع مش هيفضل أيام ولا أسابيع بالصورة المحتشدة أو إن الناس تمزق على قدم وساق أنا أخشى……. عصام العريان: مش مختلفين على كده إطلاقًا إن فيه ثورة مضادة وفي ناس هتقعد تعمل كده وهتعمل كل هذا، لا نختلف في ذلك معاك القصة إن إنت بتتكلم في اتجاه تاني خالص ماهوه ده شغل الحزب الوطني وشغل البابا للأسف شغل اخواتنا السلفيين اللي هما بيساعدوا على هذا وشغل أمن الدولة فلازم نواجهه حازم صلاح أبوإسماعيل: حتى الحزب الوطني اللي كانت أعصابه سابت وتلاشى لا يمكن يجييبوا محمد رجب يقول هنعمل انتخابات رئاسة جديدة ويقعد مع المجلس العسكري إلا لو كان واخد مؤشر من السلطة بسند من البعترة الى إعادة اللملمة للحزب مرة أخرى عصام العريان: أيوه يا دكتور لا يوجد أدنى شك فيما تقوله القصة كلها كيف نواجه ذلك لا أكثر ولا أقل إحنا عارفين ان فيه ناس معترضة وفيه ثورة مضادة وهيعملوا أكتر من كده ويبذلوا ما في وسعهم من أجل إنجاح مخططهم وإفشال الإنجازات اللي حصلت حازم صلاح أبوإسماعيل: أنا بقول لحضرتك لكسب الوقت لأن الوقت متراخي عصام العريان: إن شاء الله ربنا هيكرمنا وعايزك تثق في الله عز وجل ونحن نجتهد والتوفيق من عند ربنا وانت موجود مع الناس والدكتور صفوت حجازي في القرية اللي فيها الكنيسة اللي حصل فيها المشكلة حازم صلاح أبوإسماعيل: إحنا موجودين في الشارع بس انا بكلِّم حضرتك علشان الوقت مش في صالحنا لأن هوه بيقولك سيبهم أسبوعين طيب واستنى لحد ما البلد تخرب ربنا يستر على كل حال مدام الحمد لله أنا أوضحت انا والله أقسم لك برب العزة لولا خوف الإثم مكنتش أزعج أحد بس آهو على كل حال عصام العريان: ربنا يبارك فيك يا افندم حازم صلاح أبوإسماعيل: السلام عليكم ورحمة الله وبركاته عصام العريان: وعليكم السلام ورحمة الله وبركاته
التعليقات مغلقة الان