بالصور-الفرعون المصري يغزو امريكا

اجري الحوار -محمود الجندي                                                                                                                                          

اسلام المصري شاب مصري سكندري  مكافح شق طريقه وسط الصخور ليكتب  اسمه وسط النجوم كافح واجتهد وعشق مصر وعمل من  اجلها في صمت  لا  احد  يعرفه  ولاكن كل الدول الاوربيه وامريكا يعرفونه  ويتمنون مصافحتهيمكنك أن تقرأ قصة حياته من مجرد تأمل قسمات وجهه الأسمر الهادئ لتدرك انه صعد من القاع إلي القمة بقوة إرادته وتصميمه 

وفي  بداية حواري مع  اسلام المصري  سئلناه عن  قصة حياته  ؟

فقال انا اسمي  اسلام محمد عبد الحميد. ٢٩ سنه. ابتديت العبه من وانا عندي ١٦ وكنت بحوش مصروفي عشان اقدار اروح التمرين لحد ملاقيت جيم بنص جنيه الحديد اله مدفون في الحيطه بس كان بعيد عن بيتي جدااا فضيلت فيه اربع سنين لحد مدخلت الجيش ودخلت سلاح الحرس الجمهوري وكان من الصعب ان اروح جيم الضباط بس كنت بستئذن بلعفيه وكنت بفور خدمتي واروح اتمرن قبل مخش الجيش كنت عامل تاني إسكندريه وفي مره نزلت أجازه صديقي قلي العب بطولت إسكندريه بكره لعبت وخدت اول وكان المفروض العب بطوله الجمهوريه حولت اقول للقائد عشان العب بطوله الجمهوريه كان حيحبسني المهم أخدت ولعبت البطوله وأخذت تاني جمهوريهوصلنا لحد الجيش بس خلصت الجيش وقلت جاه واقت اثبات الوجود وكان تمريني بيتحده كل الظروف الصعبه اله كنت بمور بيها ولحسن حظي بعد رضا ربنا وبركة دعوة امي وابويه وقف جنبي اتنين من اعظم مدربين كمال الاجسام بنظري كابتن هاني سعيد وكابتن مجدي عبد التوب دعموني بقوة لحد ما حققت اول اوفر اوول في الدرجه التانيه وبعدين اول في الدرجه الاوله ومنساش طبعاً دعم الكابتن الكبير سعيد عثمان ليه حققت بطولات عديدة لحد ما رشحني الكابتن سعيد عثمان والدكتور عادل فهيم رئيس الإتحاد الي بطولة البحر المتوسط وكانت اول بطول دوليه ليه وحققت فيها اول كلاسيك وتالت 90 كيلو وبعد كده رشحوني لبطوله ارلوند كلاسيك وكانت ليه حلم ولكن لم يحلفني الحظ بسب تاخير الفيزا ولما جات الفيزا شجعتني زوجتي الي السفر اليها وهي امريكي مصريه وابتدا مشواري في الغربه اكني ببدا من جديد

 وكيف تم مشاركتك في البطولات الامريكيه ؟

بس هذه المره لسي حلمي لوحدي ده حلم اثبات الوجود ليه ولبلدي وكل اله سعدوني وليهم فضل عليه واخواتي بمصر وكان مشوار صعب وكنت ابحث ازي ابتدي لحد ملعبت اول بطوله ليه في امريكا ايسترن USA وصلت للخمسه الأوال ولكن لم استمر بسب مش هو ده حلمي بس احساسي ان قليل رغم اني في الخمسه الاوال لما اياس رغم ضروفي ومش حقول لحضرتك اسوة الغرب اشتغلت في كل حاجه بقيت بكنس وامسح وانظف كانت الغربه ليه شي صعب جدا ومهما اقولك مش حقدر اوصفلك من تعب وشقي وذل كل ده مع الظروف اله كانت بتمور بيها مصر ولوله بعد رضا ربنا وقوف زوجتي والاستاذ محروس وصديقي مغرد ودعمهم ليه بقوة وبركات دعوات ولدي ولدتي لعبت بطوله اتلانتك استيت وهي بطوله من اقوة البطولات usa وقفت والحمد لله  كسبت  البطوله وكان كل  وسائل الاعلام  نفسها  تتكلم معايه  لما  عرفوه اني  مصري والحمد لله  انا  شرفت بلدي ورفعت  اسمها  وكل  ده  ومفيش  حد  يعرف  عني  اي  حاجه  في  بلدي  وانا  الحمد لله  هنا  بقيت  شهرتي  زي  الفنانين  وكل  الناس  نفسها  تتصور  معاي

اسلام  لما  جيت  امريكا  كنت  بتشتغل  اه  ومع  مين  ؟

يعني اول سنه جيت فيها امريكا كانت اسقع سنه من 40سنه كنت بمسح وانظف عربيات الاكل كان فيه مدير الخزن مصري كان بخليني اسلك البلاعات والميه علي الارض عباره عن كتلت تلج واكان بخليني اطلع الفراخ من الفريز واتبله مكنتش بحس بايدي من كتر التلج كان بقولي الشغل ده ميستحملوش مصرين كان نفسه يمشيني وخلاص وكنت بستحمل عشان محتاج 

اسلام  سمعت ان انتا  اتظلمت في  احدي  البطولات ؟

بس حققت اول واول اوفر اوول بكتساح في بطولت اتلانتك استيت وبعدين ارلوند كلاسك وعملت سادس بس كان ظلم واضح جدااااا وبعدين بطوله ايسترن USA اول بكتساح

اسلام اه  طلباتك من  المسئولين في  مصر ؟

انا محتاح دعم وكارت الاحتراف لانه من حقي بعد البطولات اله عملتها بس مينفعش اخده من هنا عشان ممعيش جنسيه وبلعب باسم مصر

وقدانهينا  الحوار  مع  البطل  وفي النهايه ارسل  معنا  باقه  ورد لكل  من وقف  بجانبه اولهمالكابتن هاني  سعيد وكابتن مجدي عبد التوب والكابتن عبود مدرب الاردن

وفي نهايه حواري  نكرر  نفس السؤال للمسئولين الي متي  نتجاهل هؤلاء الابطال فمصر  اولا باولادها  واوجه طلبي  وطلب  اسلام  الي  جميع  المسئولين