باتيه بالعجينه اليابانيه ع طريقة بوبوس

وهنا بعد ما عجنت العجينه وسبتها تخمر شويه اخدت قطعه منها وفردتها ع شكل مستطيل زى ما انتوشايفين وحشيتها جبنه بيضه وجبنه رومى وزيتون وفلفل الوان وطبعا ممكن تحشوها اى حشوه تانيه بتحبوها

وبعدين لفتها رول زى ما شايفين بالشكل ده

وبعدين بسكينه حاميه وقطعتها قطع بالشكل ده

وبعدين دهنت صنيه زيت ع خفيف ورصيتهم بالشكل ده وطبعا هنسيب فراغات بينهم لانها انشاء الله هتخمر ويتضاعف حجمها وبعدين هنغطيها ونسيبها تخمر ويتضاعف حجمها

شايفين ما شاء الله اضاعف حجمها وبعدين هندهنها بيض مضروبه مع شويه لبن او ممكن ندهنها سمنه انا هنا دهنتها سمنه بس بالراحه عشان مش نطلع الهوى منها وبعدين دخلتها فرن ساخن مسبقا لحد ما استوت واتلونت زى ما انتو شايفين ف اول صورة وبالف هنا