حب بلدك يا ابن بلدي مهما تقسي في يوم عليك٠٠ حب و اخلص و اوعي تنسي ان بلدك روحها فيك
زي امك حبها نول رضاها حتلاقيها بتراعيك٠٠ و ان لقيتها في يوم في محنة مد ايدك اوعي تبخل ٠٠
بين جناحها حتحتويك وبإيديها حتحضنك٠٠ إعلى بيها حتعلى بيك٠
يا ابن بلدى: الخير في بلدك خير كتير٠٠ بس لو ترضى بنصيبك و اللي يرضاه الضمير٠٠ كد و اتعب و إشتغل٠٠بالحلال تصبح كبير ارضي ربك٠٠ ربي ابنك ع الإيمان٠٠ حببوا في تراب بلدنا٠٠ زي ما عملوا الناس زمان٠٠ اللى حفروا السد لينا لجل نشعر با لإمان و بدماهم خلوا ارضك ترتوي٠٠خلوا لك في الكون كيان حققولك حلم غالي ٠٠ شيدولك سد عالي ونوروا بيه المكان دول جدودك اللي عشقوا تراب بلدنا و افتدوها الروح كمان حب بلدك ٠٠ حب بلدك يا ابن بلدي و خلي بالك من الغريب اللي خدعك لما قالك انه دايمآ لك قريب٠٠ اوعي تسمع للي قالوا٠٠ اوعي تفتكروا الحبيب٠٠ ده يقرب بس منك و بسمومه لك يصيب٠٠ لجل تحتاج للعلاج يوهمك انه الطبيب كل همه يهد مصر اللي طمعان مش راضيها تبقي شامخه في اي عصر مش عايزها تعيش حضاره٠٠ او تحقق اي فرحه بإي نصر نفسوا يهزم فيك شجاعتك ٠٠ تنكسر و تزيد واجعتك و ان وقعت ما بين إدية٠٠ مش حتقدر يوم عليه٠٠هوه .عارف خير بلدنا حلمه تصبح ملك ليه
ليه تساعدوا بضعف منك٠٠ هيه وصفه بسيطه جدآ تجبروا بالبعد عنك
بإختصار حب بلدك
حب اهلك٠٠ حب ناسك٠٠ إمشي فيها بقلب صافي حتلاقيها تاج في رإسك هيه زرعك٠٠ هيه ارضك٠٠ هيه درعك هيه فاسك٠٠ ثق بربك و اوعي تيأس بالإيمان حتنول مرادك٠٠ مش حقولك شيء جديد٠٠ لو عرفت تحب بلدك٠٠ يا ابن بلدي تعيش سعيد و يكفي وقت الشده٠٠ عايزك يا ابن بلدي تكون شديد٠
بإختصارحب بلدك
—————————————————————————– مقدمه من الإراضي الأيطاليه بمدينه ميلانو: ناجي مرسي الشهير بأبو كريم- إسكندرية ٢٠١٤/٢/٢٠
التعليقات مغلقة الان