النجرسكو علي طريقة بوبوس

اكلات بوبوس

اولا بتسلقى المكرونه ف مايه ومعلقه ملح
وبعدين تعملى البشاميل كالاتى
لكل كيلو لبن اربع معالق سمنه ع زيت نضعهم ف حله ع النار اول ما يسخنوا ننزل عليهم باربع معالق دقيق ونقلب لحد ما الدقيق يتشرب السمنه والزيت كلها وبعدين ننزل عليهم بشويه لبن ونقلب وبعدين ننزل بباقى اللبن ونفضل نقلب ويفضل نقلب بمضرب يدوى ونفضل نقلب لغايه ما يوصل للقوام المطلوب نضع الملح والفلفل ومرقه دجاج ونقلب لحد ما يعمل فقاقيع نطفى عليه ولما يبرد نفقش بيضتين ونقلبهم عليه
وبعدين نعمل الحشو وهو عبارة عن ع النار نضع حله فيها معلقه سمنه ع زيت وبعدين نضع عليهم شويه بانيه مقطع مكعبات ونقلب لحد ما لونه يبيض ننزل عليه ببصله مقطعه شرايح وفلفل اخضر مقطع شرايح ومرقه دجاج وملح وفلفل وكركم وبصل وتوم بودرة ونتركهم ع نارهاديه حتى يستوا

وهنا دهنت الصنيه سمنه وطبقه خفيفه من البشاميل

وهنا وضعت اول طبقه من المكرونه وطبعا كنت مقلبه المكرونه مع معلقه من البشاميل

وهنا وضعت فوق المكرونه طبقه من البشاميل

وهنا وضعت الحشو

وبعدين وضعت الطبقة الاخيرة من المكرونة

وهنا وضعت الطبقة الاخيرة من البشاميل

وهنا رشيت ع الوش شوية بقسماط ناعم ونقطتين زيت ثم ف فرن ساخن حتى تستوى وبالف هنا