لو يوزنوك بالدهب او يشتروك بالماس … اياك توطى الراس لو جابو سيره الغيط او حتى سيره الفاس اياك تكون مكسوف دول هما الاساس
المصرى دايما حر لو حتى كان كناس يشقى يدوق المر عنده حياء و احساس خليك يا مصرى عزيز.. خليك اعز الناس خليك يا مصرى عزيز خليك اعز الناس
لازم تكون قادر وقت اللزوم حاضر واضغط على نفسك وانجز وقول حاضر دايما صاين اسمك غايب لكن حاضر
مصر ..بلدك كبيره ..لازم تكون زيها وفى اى حاله خطيره ..لازم تكون قدها وخلى مصر فى قلبك وغنى بحبها وخلى مصر فى قلبك وغنى بحبها
ولو زعلت منها اجرى على ضلها اركع على ارضها إدارا فى حضنها اشكيلها وقولـها
خفى عليا الحمول انا ضهرى منها انقطم وابنى يوم الولاده من شده الفقر اتفطم وخدى يوماتى وارم من الهموم من كتر ما اتلطم
لفتها شبر شبر من غربها للشرق لجل حياه كريمه زى بقيت الخلق نهارى فيها ليل .. وليلى كله برق صايبنى فى جسمى وسايب فيا حرق
خلو دايما فيه أمل .. ربكم اسمه العدل خلوا قلوبكم نضيفه من غير خداع او غدر هتلاقوا ليله سوادها حالك وليالى فيها بدر مش كل الليالى مهاكل طول مافيه ليله القدر مش كل الليالى مهاكل طول مافيه ليله القدر
التعليقات مغلقة الان