الشئ وضده فى نفس الوقت !!!
بقلم الكاتب والشاعر ناجى أنس /
1 {الشئ }
كل يوم باقتنع
ان انت بينا ملاك
مبتعرفش الطمع
والناس هنا حباك
مادد ايديك بالخير
ولا مره تخلف وعد
عندك حقيقى ضمير
عمره ما كان على حد
شايفك فى جنه عدن
وملايكه من حواليك
واذاى تحس بمحن
والرب راضى عليك
٢ ( ضده )
كل يوم باقتنع
ان انت بينا هلاك
طمعان كمان ف الطمع
والناس هنا كرهاك
مادد ايديك بالشر
وبتخلف اى وعد
هدفك وبس تضر
امتى بقى تتهد ؟
شايفك فى جهنم
ونارها من حواليك
انا نفسي بس افهم
مين اللى راضى عليك ؟؟
التعليقات مغلقة الان