الحمام الكداب بحشو اللحمة المفرومة ع طريقة بوبوس

اكلات بوبوس

المقادير

لورك واحد
ورك مخلى تماما من العضم نترك فقط اخر عضمه ف الدبوس ومتبل
الحشو
(معلقتين لحمه مفرومه معصجه )
خليت الورك تماما وتبلته ببصل وفلفل احمر او اخضر وطماطم وملح وفلفل وكركم وبصل بودرة وتوم بودرة ومعلقه خل واسيبه ف التتبيله ع الاقل ساعة
وهنا حشيت الدبوس باللحمه المفرومه زى ما انتو شايفين وفردت عليه لحمه بالشكل ده وع فكرة ممكن نحشيه ارز بالبسله ونسوى ارز نص سوى زى ارز الحمام

وهنا لفيته بالجلد بتاعه زى ما انتو شايفين

وهنا لفيته بورق الفويل ع شكل البنبونه زى ما انتو شايفين كده

وهنا حطيت حله ع النار وفيها مايه وبصله وورق لاورو وحبهان وسبتها تغلى واول ما غليت نزلت بالورك فيها لمده ساعه وربع بالظبط وبعدين اشيله من الفويل وادهنه سمنه أو زيت واحطه تحت الشوايه ياخد لون وتتحمر