البيتزا الايطالى -بطريقة طمطم

اكلات طمطم

المقادير :
2كوب دقيق
ملعقة لبن بودر كبيرة
ملعقة زيت
رشة ملح
ملعقة خميرة كبيرة انا بفضل الخميرة البيرة
ملعقتين سكر
ملعقة صغيرة خل بديل لمحسن الخبز
ماء دافى للعجن

انا اول حاجة بعملها بحط الخميرة مع شوية مية دافية ومع السكر واقلبهم كل دة فى كوب واغطيهم واسيبهم ربع ساعة علشان الخميرة تتفاعل لاننا فى الشتا والجو ساقع والعجين هاياخد وقت فى الخمر لكن كدة مش هاياخد وقت كتير زى كدة

بضع فى العجانة او نعجن بايدينا الدقيق مع الملح والسكر المتبقى والزيت والخميرة واللبن البودر وملعقة الخل وبعجن وكل شوية ازود ماءدافى لحد ما العجينة تبقى ناااااااااااعمة لااااااااااااااااازم تبقى ناااااااااااااااعمة وضعها فى بولة واغطيها واسيبها ساعتين تخمر

بفردها تحتها وفوقها دقيق زى كدة ولا تبقى تخينة ولا تبقى رقيقة انا فردت الاطراف خالص وخليت الاطراف رفيعة لانى هاحشيها وهاقفلها على بعضها

هنا وضعت العجينة شايفين الاطراف مخليها برة لانى لسة هاحشي

هنا احشيها زى ما انتى عاوزة انا كان عندى جبنة رومى حشيتها بيها

وهنا قفلت الاطراف كويس اوى اوى لازم تقفلوها كويس وتعملو اخرام بالشكوة داخل وسط العجينة لازم علشان متعلاش وتبقى زى الفينو بتسيبيها عشر دقايق بس غطيها عقبال ما تحضرى حشوتك مش اكتر من كدة

هنا وضعت فوق الصوص جبنة موتزاريلا وجبنة رومى مبشورة وحطيت الحشوة بتاعتى كانت شاورما باقية عندى وحطيت فلفل حامى وزيتون ومحطيتش عالوش الجبنة هى دى بقى التكات دخليها الفرن على اعلى درجة خالص والرف يكون تحت مش فى النص لان لو حطيناها فى الرف اللى فى النص هاتاخد وقت وتنشف وتاكاااااااااااتى كمان ادهنى الطراف المحشة بالفرشة زيت علشان تبقى طرية وبتلمع ودخليها الفرن وبعد عشر دقايق بصى عليها اول ما تحسى ان القاعدة احمرت واستوت طلعيها من الفرن طبعا ممكن تاخد 15 دقيقة وممكن 20 دقيق ومممكن اكتر على حسب كل فرن بوتاجاز

هنا طلعتها وقطعتها بالقطاعة قبل ما اضع الجبنة الموتزاريلا لية بقى علشان لما اضع الجبنة وتسيح وا اجى اخد قطعة تمط معايا هى دى التكاااااااااات الصح وهى دى خدع بيتزا هات

هنا وضعت الموتزاريلا ونرجعها الفرن بقى تحت الشواية ومتنسوش تدهنوا الاطراف تانى زيت علشان تبقى بتلمع يادةب دقايق تحت الشواية تسيح بس