حبك كان ليا أغنية بينشدها و يعزفها العود و قلبى كان هدية ليكى ملفوفة بعبير و ورود و كنت أتغزل ف أوصافك و شَعرك ع الكتاف مفرود و لحظة كنت مبشوفك و بتبّسم بيبقى يوم مشهود و قلبى كان ينبض بحبك و كفى بالهنا ممدود و شٍعرى كان نشيد ليكى و حبى كان مالوهش حدود نظراتك كات بتسحرنى و أعدى بيها أى سدود لكن ف لحظة غدرتى بيا و مكنش منك أى ردود غدرتى بيا و بحبى بالجفا و بكل جحود دى ” خسارة ” كلمة و بقولها عالغدر لما ف لحظة يسود و عمرى مرة ما راح أرجع و لحبك فى يوم ما حأعود
التعليقات مغلقة الان