أحلى ..

 بقلم الكاتب والشاعر ناجى أنس//                                                                                                                                                     

كل مره اشوفها فيها
تبقي أحلي
والنهاردة كل اللي فيها
احلي وأحلي
مش عنيها برضه بس
كل حاجه فيهاتسحر
اما برموشها بحس
كل رمشه ليها بافسر
احساس عمره ما إتحس
يزيد هوايا وحبي أكتر

كنتي جنبي وقلبي حاير
اخطف إزاي حتي نظره
كنتي وانتي معايا طاير
وجاتني مليون ألف فكره
بس ساعتها ماكنتش قادر
وإنتي برضه مش قادره
خفنا لا الناس تحسنا ويلومونا
حنسيب مشاعر قلبنا مش حيسبونا

قلت اسيبك فجأه وامشي
وكفايا اني شفتك شويه
سبقتي قلتي انك حتمشي
قلت ماشي يانور عنيه

كنت عاوز اخدك في حضني
واطير معاكي في أي حته
كان نفسي إيدك تلمسني
وانتي ماشيه بس حتي
لكن خساره رحتي مني
ولا قلتي حتي جايه إمتي

حاجاتك اللي سيباهالي
اترميت في حضنها وفرحت بيها
حسيت براحه عشق غالي
لما شميت ريحتك فيها٠