الشاعر محمد هيكل يهدى شعر لشهيدة الصحافة

كتب محمد جمال عبد القادر

جريدة اللواء العربى فى ضيفة الشاعر الكبير محمد هيكل الذى قدم التعازى لكل اهل شهيدة الصحافة ميادة اشرف وقال بانى اهدى اليها هذة الكلامات بعنوان (زفوا العروسة )

زِفـُّــــوا العــــروسة .. زي بـاقي اخــواتهـــا
الشَبـْــكَة طلقــــة .. و دَمَّـهـَـــا شَـربـاتهــا

ياضحكـة المـوت فـوق خــدود الصبــر
إمتى العـــروسة كان عَـدَلْـهَـا القبــر !!!؟
و من إمتى هيه اللي عليهــا المَـهَـر !!!؟
عِدْمِـــتْ خــلاص يام أهلهـــا و عِـزْوِتـْـهـــــا !!!!!؟
زِفـُّــــوا العــــروسة .. زي بـاقي اخــواتهـــا

زِفـُّـوا العـروسة و نَـشِّـفـُوا الزغروطة
أم الكفــن أحمــــر بلــــون القـوطــة
ماتـت بتضحــك بس مش مبسـوطة
سـرقــوا المعــازيـم فى الفـــرح ضحكتهــــا
زِفـُّــــوا العــــروسة .. زي بـاقي اخــواتهـــا

زفـُّــوا العــروسه و دوُّبـــوا أحزانهـــا
رُشُّـوا الوجــع والهم على فستانهـا
مـاري اللى كان الـورد بـيـغـيـر منهـا
ليـــه اسـتـعـجــلـو ولاد الحـــرام دخلتهـــــا
زِفـُّــــوا العــــروسة .. زي بـاقي اخــواتهـــا

زِفـُّـوهـــا ياللاه و بكــره هـنْـزِفـُّـوكــو
دا اللي خانـوهـا مش بعيد يخونوكـو
ميــادة أشـرف من أبو اللي جـابوكـو
قبــل الرصــاص كـان جـُـبْـنـُـكُــم مَــوِّتـْـهَـــا
زِفـُّــــوا العــــروسة .. زي بـاقي اخــواتهـــا